Најбараниот човек во Мексико и воедно еден од најпознатите наркобосови Хоакин Гузман, е фатен во земјата во операција на американските и мексиканските органи за ред, соопшти „Ројтерс”, повикувајќи се на свои извори од американската администрација.
Апсењето на Гузман според наводите се покажува како голем пробив во војната на властите со наркокартелите, во која загинаа десетици илјади луѓе во последниве години. Гузман бил фатен во Масалтан, одморалиште контролиранo од неговиот наркокартел во северозападниот дел на државата Сино, но официјална потврда се уште нема.
Една од локалните телевизии објави фотографија уапсен која наликува на Гузман.
„Ел Чапо“ го раководи картелот Сино и дури пред време се најде во листата на списанието „Форбс“ со најбогати милијардери. Организацијата води безмилосно војна со други криминални структури за контрола над каналите, кои водат кон САД.
Властите во САД најавија награда од 5 милиони долари за негово апсење. Далеку на север од мексиканската граница – во Чикаго, минатата година тој беше прогласен за првиот Јавен непријател № 1 веднаш по Ал Капоне.
Во САД тој е обвинет за десетици случаи на рекетирање, организирање увоз на кокаин, хероин, марихуана и метамфетамин. Се смета дека за него работат атентатори од американската граница до Централна Америка.