На интернет се прошири вест дека наводно е убиена Рехана, девојката – симбол на Кобани, откако нејзина фотографија се прошири на глобалните медиуми.
Припадничката на курдските сили стана симбол за надеж во опколениот сириски град, откако еден новинар објави нејзина фотографија на „Твитер“, со изјава дека таа убила повеќе од сто припадници на Исламската држава.
Воените судири во Кобани, кој се наоѓа во близина на турско-сириската граница траат повеќе од еден месец. Градот кој од три страни е опкружен со терористи, го бранат курдските сили, меѓу кои има илјадници жени што е невообичаено за муслиманскиот свет.
Во извештаите на невладините организации стои дека огранокот на Ал Каеда во Сирија, Фронт ал Нусра и бунтовничките единици утрово тргнале во опсежна офанзива на сирискиот град и покраината Идлиб.
Сириската опсерваторија за човекови права соопшти дека од раните утрински часови траат жестоките судири помеѓу режимските сили, кои имаат поддршка од Народната одбрана и борците на Ал Нусра и исламистичките бунтовнички групации.