Некои од најголемите европски увозници на гас се подготвуваат да платат во рубљи, известува Фајненшл тајмс појаснувајќи дека увозниците се подготвени да се согласат со руските барања дека енергијата мора да се плаќа во рубли.
„Некои од најголемите европски енергетски компании се подготвуваат да користат нов систем за плаќање за рускиот гас што го бара Кремљ, за кој критичарите велат дека ќе ги намали санкциите на ЕУ, ќе го загрози единството на блокот и ќе испорача милијарди во готовина за руската економија“, наведува весникот.
Дистрибутерите на гас во Германија, Австрија, Унгарија и Словачка планираат да отворат сметки во рубљи во Гаспромбанк во Швајцарија со цел да го задоволат рускиот услов за плаќања во сопствена валута, тврди медиумот, повикувајќи се на извори кои се во тек со подготовките. Веста од Фајненшел тајмс ја пренесе и британски Гардијан.
Фајненшел тајмс тврди дека „групите вклучуваат два од најголемите увозници на руски гас: Унипер со седиште во Дизелдорф и ОМВ со седиште во Виена“.