Времето и денеска на повеќе места ќе биде променливо облачно и нестабилно, особено во попладневните и во вечерните часови, со услови за пороен дожд, грмежи и засилен ветар.
Утринските температури ќе бидат во интервал од 12 до 19 степени, а дневните ќе достигнат од 23 до 30 степени. Вредноста на УВ-индексот ќе биде 6.
Во Скопје времето ќе биде променливо облачно, со повремен пороен дожд и грмежи, особено попладне. Утринската температура ќе се спушти до 16 степени, а дневната ќе достигне до 28 степени.
Според прогнозата на УХМР, до четврток ќе се задржи променливо облачно, посвежо и нестабилно време. Во петок и за време на викендот ќе преовладува сончево време, но ќе има услови за изолирана појава на нестабилност со пороен дожд и грмежи во попладневните часови. Дневните температури ќе бидат во пораст.