Ако првиот на листата за 2011 година имаше остварено 156 милиони, за 2012 година скопјанец во својата ГДП пријавил 242 милиони денари што е и највисок годишен бруто- приход во Република Македонија, се вели во анализата на УЈП за годишна даночна пријава. Еве секвенци од анализата:
Највисоката плата во 2012 година е исплатена во областа на здравствените услуги, додека останати се остварени во различни сектори: трговија / производство на фармацевтски
производи и препарати, за прв пат оваа година се појавува и адвокатската дејност, компјутерско програмирање, техничко советување и печатарски услуги.
Банкарството и телекомуникациските услуги кои доминираа изминатите години на листата на највисоки плати, оваа година не се помеѓу првите десет. Највисокото “дополнително примање и надоместок од работен однос“ изнесува 34,9 милиони денари на годишно ниво.
За 2012 години највисока капитална добивка од 49,9 милиони денари (продажба на хартии од
вредност, учество во капитал и од недвижен имот) е пријавена од жител на Гостивар.
Во Струмица, Скопје, Пробиштип и Струга се пријавени најголем број од највисоките износи на капитални добивки.
Највисоката пријавена капитална добивка досега изнесува 140 милиони денари пријавена во 2010 година.
Од оваа година, односно од 1 јануари 2013 години, капиталните добивки остварени од продажба на хартии од вредност се ослободени од оданочување до 31 декември 2015 година.
Највисока заработувачка пријавиле пензионери од Скопје, кои освен пензијата остваруваат и приходи по други основи. Прворангираниот пензионер пријавил 35,7 милиони денари годишен приход. Највисок приход само по основ на пензија е пријавен во Радовиш и тоа 1.660.692 денари.