Украдена болничката документација на Шумахер

Болничката документација на Михаел Шумахер е украдена, а менаџерката на Шумахер, Сабине Кем, која вчера изјави дека документите им биле понудени на продажба на некои медиуми.

Менаџер Сабине Кем вели дека документите за продажба “се ставени веќе неколку дена”.

Таа додаде: “Ние не може да судиме ако документите се автентични. Сепак, документи се украдени. Тоа е јасно. Кражбата е пријавена. Властите се вклучени.”

Менаџерката на Шумахер ќе поднесе кривична пријава и ќе бара надомест за нанесена штета, доколку документите и податоците бидат јавно обелоденети и исто така доколку бидат и само споменети во некој извештај.

Според медиумски извештаи, станувало збор за првите две странции од документот на вкупно десет страници, а непознати лица за нив барале најмалку 60.000 франци (50.000) евра.

Ова не е првпат непознати лица да се обидат да дојдат до информации за состојбата на Шумахер.

Кратко по несреќата еден човек преоблечен како свештеник се обиде да стигне до Шумахер.

Подоцна две лица се обидоа да влезат во собата за интензивна нега на универзитетската клиника во Гренобл, за да го фотографираат Шумахер.

Минатата недела седумкратниот светски првак во Формула 1 беше пренесен од клиниката во Гренобл во Лозана. Претходно тој се разбуди од кома. Каква е состојбата на 45- годишниот Шумахер, кој претрпе тешки повреди на главата, за јавноста е непознато.

Натамошното заздравување на Шумахер треба да се одвива „надвор од очите на јавноста“, рече неговата менаџерка.

Михаел Шумахер на крајот на мината година при пад на скијање доживеа тешки повреди на главата, по што повеќе месеци беше во кома.