Украина и Русија се договорија за цената на гасот за зимскиот период, изјави украинскиот претседател Петро Порошенко синоќа, цитиран од ТАСС.
„По консултациите во Милано можам да констатирам: Украина ќе има гас, ќе има греење. Ова е резултатот од вчерашните аранжмани”, рече тој, истакнувајќи дека украинските национални интереси биле заштитени.
Според неговите зборови, на преговорите во Милано на 17 октомври првично руската страна настојувала за цена од 385 долари за илјада кубни метри за целата година.
„Постигнавме согласност, по што де факто беше усвоена украинската позиција: Ајде сега да зборуваме само за зима и до 31 март да се фиксира цената на 385 долари. Русите се согласија со тоа.” , изјавил Порошенко.
„Нашата позиција со ЕУ беше категорична: 325 долари за кубни метри во текот на летото, 385 – во зима”, појаснил тој.
Русија се согласила да испорача газ по таа цена согласно до 31 март 2015та година.
До 21 октомври, кога во Брисел ќе се одржат преговори меѓу Украина, Русија и ЕУ за прашањата за гас, раководителите на надлежните служби на земјите треба да подготват договорен протокол.