Дванаесет припадници на расформираната украинска специјална единица „Беркут“ се приведени под сомнение дека пукале кон учесниците на антивладините протести кои се случуваа низ улиците на Киев.
„Полицајците на таа единица беа обучувани за специјални операции, вклучувајќи и убиства. Тие беа под надзор на претседателската адиминстрација“, изјави привремениот државниот обвинител Олех Махницки.
>> Кои се луѓето во униформа кои го штитат системот на Јанукович?
Единицата „Беркут“ (Златен орел) е расформирана кон крајот на февруари.
Во меѓувреме, шефот на руската дипломатија, Сергеј Лавров посочи дека Москва бара објаснување од НАТО во однос на активностите на Алијансата на територијата на источноевропските држави.
НАТО донесе одлука за запирање на целата практична цивилна и воена соработка со Русија, како одговор на руското присоединување на полуостровот Крим од Украина.