Прес – службата на Здружената команда на украинските вооружени сили соопшти дека украинската војска спроведува големи вежби во близина на Крим.
Тензиите во Донбас значително се зголемија во последните неколку недели.
Двете страни во конфликтот меѓусебно се обвинуваат за ескалација на гранатирањето.
Во исто време, Западот ја обвинува Русија за засилување на агресивната акција во близина на украинската граница и трупање војска околу Украина и овластите Донбас и Луганск каде доминантното население го сочинуваат Руси.
Генералниот секретар на НАТО, Јенс Столтенберг, ја повика во вторникот Русија да престане со наводните провокации.
„Изминатите седмици Русија доведе илјадници војници подготевни за борба на украинските граници. Тоа е најмасовното трупање на руски сили по илегалната анексија на Крим во 2014 година“, тврдеше Столтенберг на зедничката прес-конференција во Брисел со украинскиот министер за надворешни работи Дмитро Кулеба.
Американскиот претседател Џо Бајден во телефонски разговор го повикал рускиот претседател Владимир Путин да ги „смири тензиите“ и предложил самит во трета земја „во следните месеци“ за да разговараат за сите отворени прашања меѓу САД и Русија, соопшти Белата куќа.