Русија и соопшти на Америка дека западните санкции кои се однесуваат на спорот околу кримскиот спор се неприфатливи и се закани дека ќе има “последици”.
Рускиот министер за надворешни работи, Сергеј Лавров издаде предупредување во телефонски повик до американскиот државен секретар Џон Кери, јавува Би-Би-Си.
Тоа се случи неколку часа откако рускиот и кримскиот лидер потпишаа спогодба за вклучување на полуостровот во Руската Федерација по спорниот референдум.
Во вторникот имаше и извештаи за инцидент на поморската база во Севастопол.
Новинар од Асошиетед прес од местото на настанот информираше дека про-руските сили за самоодбрана упаднале во зградата – седиштето на украинската морнарица – и кренале руско знаме.
Но, украинската морнарица изјави дека група на цивили кои велат дека базата е сега на руска територија отишле во зградата да ги убедат украинските сили да го напуштат објектот.