Авионите на украинската влада ги нападнаа проруските бунтовници кои денеска го зазедоа меѓународниот аеродром во Доњецк со цел да демонстрираат сила по претседателските избори во Украина кои не ги признаваат.
Украинските безбедносни сили потврдија дека на подрачјето на аеродромот се спуштиле украински специјалци. Станува збор за еден од најсилните судири откако проруските сепаратисти започнаа вооружен бунт на истокот на земјата.
Откако токот за мирно предавање на оружјето од страна на сепаратистите истече, портпаролот на укранските сили изјави дека два авиони Сухој Су-25 ниско го надлетувале аеродромот Сергеј Прокогјев и пукале предупредувачки истрели.
„Герилците како одговор на тоа отвориле оган од топовско оружје“, изјавил портпаролот Владислав Селезњов, потврдувајќи дека во нападот учествуваат и авиони МиГ-29.
Сепаратистите се распоредиле по целото подрачје на аеродромот, чиј модерен главен терминал е изграден пред Европското првенство во фудбал 2012. година.
„Во моментот на аеродромот падобранци го чистат подрачјето“, рекол портпаролот. Агенцијата Ројтерс објави дека најверојатно специјалните сили слетале со хеликоптер.
Како што јавуваат агенциите аеродромот е затворен од утрината откако го зазеле сепаратистите.