Рустам Темиргалиев, заменикот на кримскиот премиер изјави дека сите бази на Полуостровот се под контрола на руските трупи, а украинските војници ги напуштиле базите.
– Сите украински војници или се преминати на руската страна или ја напуштија територијата на Крим, вели то за „Итартас“.
Во меѓувреме, Советот за национална безбедност на Украина му наложи на Министерството за одбрана да спроведе дислокација на војницте единици стационирани на Крим.
Според привремениот претседател на Украина, кој воедно е и претседател на парламентот, Олександат Турчинов, Советот и наложил на владата да ги евакуира и семејствата на војниците кои се изложени на закана по живот, пренесуваат украинските агенции.
Изутринава, руските сили ја заземаа базата „Феодосија“ на источниот дел на Крим, една од ретките на кои сеуште се вееше знамето на Украина по припојувањето на Полуостровот со Русија. Во акцијата учествувале и хеликоптери.
Од друга страна, за ситуацијата во Украина ќе се разговара и во Хаг на самитот на лидерите на седумте најбогати земји, САД, Велика Британија, Франција, Германија, Италија, Канада и Јапонија.
Американскиот претседател Обама потенцираше дека Европа не претставува бојно поле помеѓу Истокот и Западот.
– И покрај припојувањето на Крим со Русија, не ја гледам Европа како бојно поле помеѓу Истокот и Западот. Путин треба да разбере дека следат економски и политички последици од неговата акција во Украина, изјави Барак Обама.