Министерството за надворешни работи на Украина ја повика Австрија да го протера постојаниот претставник на Русија во меѓународните организации во Виена, Михаил Улјанов, кој повика на истребување на Украинците, изјави на Твитер портпаролот на украинското Министерство за надворешни работи Олег Николенко, пренесува агенцијата „Укринформ“.
„Амбасадорот на Русија Михаил Улјанов повикува на елиминација на украинската нација. Овој геноциден јазик не смее да се толерира. Ја повикуваме целата дипломатска заедница во Виена да го бојкотира Улјанов, а земјата домаќин Австрија да го прогласи за персона нон грата“, напиша Николенко.
Russia’s Ambassador Mikhail Ulyanov is calling for the elimination of the Ukrainian nation. This genocidal language must not be tolerated. We call on the entire diplomatic community in Vienna to boycott Ulyanov, and on the host country, Austria – to declare him persona non grata. pic.twitter.com/tbCTW4dU6s
— Oleg Nikolenko (@OlegNikolenko_) August 20, 2022
Улјанов, одговарајќи на твитот на украинскиот претседател Володимир Зеленски во кој им се заблагодарува на САД за новиот пакет воена помош, твитна дека не треба да има милост кон украинското население. Подоцна, тој го избриша својот твит.
Извор: civilmedia.mk