Вечерва, премиерно во кино „Милениум“ во Скопје ќе биде прикажан новиот филм на Владимир Петровски – Картер насловен „Каде се парите?“.
Филмот е базиран на реални случки од урбаното секојдневие, во кое може да се препознае секој човек. Се работи за двајца пријатели, чиј живот се сведува на забава и на лесен живот. Тие добиваат понуда на брз начин да заработат пари.
Улогите ги толкуваат Никола Талевски, Ана Ен, Деа Димушевска, Влатко Илиевски, Иво Аџиевски, Васко Тодоров и други.
Премиерата почнува во 20 часот.