Утре на 31.03.2014 во 20 часот, во живо на МРТВ ќе се реализира четвртото извлекување за наградната игра „ФИСКАЛНА ВО РАКА-НАГРАДА БЕЗ МАКА“.
Во ова 4-то коло на наградната игра „ФИСКАЛНА ВО РАКА – НАГРАДА БЕЗ МАКА“ се извлекува еден автомобил Пежо 208, 30 вредносни ваучери од 3.000 до 60.000 денари и 120 вредносни ваучери за прехранбени продукти во вредност од 1000 денари.
Во извлекувањето ќе учествуваат сите коверти испратени за 4-то коло со сметки кои се валидни од најран датум 15.11. 2013та година. Неизвлечените коверти од ова коло како и од второто, третото, а понатаму и од петтото и шестото, се чуваат од страна на Државна лотарија на Македонија како организатор на наградната игра и ќе учествуваат во 7-мото коло за извлекување на стан и деловен простор.
За учество во наградната игра треба да се испратат 20 фискални сметки во стандарден бел коверт во кој покрај фискалните сметки треба да има посебен лист на кој ќе бидат наведени податоците на испраќачот: име, презиме, адреса и контакт телефон.
Ковертите без разлика дали ќе бидат испратени по пошта со поштенска марка од 8 денари, на пунктовите на Државната лотарија или во зградата на МРТВ, треба да бидат испратени најдоцна до полноќ на 30. 03.2014.