Движењето Еко Герила утре, понеделник 21 август, во 12.00 организира протест против дивата депонија во Тетово во борбата на Тетовчани за почист воздух.
Протестот е насловен “Заштити се или отруј се” и ќе се одржи на дивата депонија во Тетово.
“Ве повикуваме, заедно со вашите семејства, да го подигнеме гласот на незадоволство од создадената ситуација, согорувањето на отпадот, неуспехот на локалните власти да ја дислоцираат депонијата и притисокот врз локалните и централните власти, овој рак на Тетово да го отстранат што е можно поскоро од влезот на Тетово.
Еко-герила се дистанцира од секој поединец или група што може да има тенденција да го искористи овој протест за да ги постигне предизборните цели, внатрепартиските позиции, меѓупартиските позиции или конфликти на сомнителни деловни интереси”, вели соопштението на ова еколошко движење.