Утре е крајниот рок за да се избере петтиот член на ад-хок телото за следење на следење на медиумското известување пред изборите. Повикот за петтиот член заврши вчера, а се пријавиле 10 новинари.
Членови на ова тело се Цветин Чилиманов и Слаѓана Димишкова, на предлог на ВМРО-ДПМНЕ и Љубомир Костовски и Горан Трпеновски, на предлог на СДСМ. Според договорот меѓу четирите политички парии, петтиот член треба да биде Албанец. Мандатот на Привремената комисија трае до завршување на изборниот процес на предвремените избори за пратеници во Собранието на Република Македонија.
Покрај именувањето на петтиот член и комплетирањето на ад-хок телото, Советот на Агенцијата за аудио и аудиовизуелни медиумски услуги утре треба да презентира како ќе се одвива мониторингот на изборното медиумско претставување преку радио и телевизиските програмски сервиси за предвремените парламентарни избори. Нацрт предлогот за методологијата треба да биде усвоена на 1-ви септември. На крајот од месецот лидерите на политички партии треба да се договорат за оддржување на предвремените избори на 11 декември.