Овој договор беше 4 години подложен на вето од Бугарија во Советот на министри на ЕУ за внатрешни работи поради противењето на официјална Софија овој договор да биде потпишан на македонски јазик. Таканаречениот француски предлог усвоен во македонскиот парламент во јули го деблокираше потпишувањето на договорот
Утре во Скопје за време на официјалната посета на претседателката на ЕК, Урсула фон дер Лајен ќе биде потпишан договорот Фронтекс со кој се Македонија стапува и во официјална соработка со ЕУ во заедничка заштита на границите, дознава Новатв.мк.
Овој договор беше 4 години подложен на вето од Бугарија во Советот на министри на ЕУ за внатрешни работи поради противењето на официјална Софија овој договор да биде потпишан на македонски јазик.
Таканаречениот француски предлог усвоен во македонскиот парламент во јули го деблокираше потпишувањето на договорот Фронтекс кој пред десет дена доби зелено светло во Советот на министрите.
Својот глас ЗА го даде и министерот за внатрешни работи на Бугарија. Договорот ќе биде потпишан на сите официјални јазици на земјите членки на ЕУ и на македонски јазик. Во договорот не е содржана никаква фуснота како што се шпекулираше во јавноста.
Инаку, за време на мигрантската криза, поради неможноста Македонија да го склучи овој договор поради бугарската блокада, мисијата на Фронтекс во Македонија се извршуваше во партнерство со Чешка.