Тимот на СДСМ предводен од Потпретседателот Ванчо Узунов денес ги промовираше предлог мерките од програмата на СДСМ пред граѓаните во Радовиш. На средбите граѓаните се пожалија на се поголемо иселување од Радовиш, на ниската месечна плата која е сведена на минимум и е недоволна за живот.
Потпретседателот Узунов истакна дека економските предлог мерки на СДСМ ќе дадат мотив и поттик за отворање на фабрики во Радовиш се со цел зголемување на вработеноста за доброто на граѓаните на Радовиш.
Узунов со тимот на СДСМ оствари и средба со пензионерите во пензионерскиот дом во Радовиш на која ги промовираше предлог мерките за социјалната политика. Узунов истакна три важни мерки со кои значително ќе се подобри животниот стандард на пензионерите.
Беше презентирана предлог мерката за пензиите кои треба да бидат во склад со движењата на цените и трошоци на производи коишто се значајни за пензионерите се со цел да се утврди пензионерската кошница.
Исто така беше презентирана и можноста за пензионирање врз основа на работен стаж односно жените да се пензионираат со 35 години работен стаж, а мажите со 40 години
работен стаж.
За оние пак коишто не можат да добијат пензија Владата на СДСМ ќе воведе државна социјална пензија.