Вечерва пред платото на ГТЦ ќе се случува некогашното скопско Корзо, кое организаторите велат, барем на една ноќ, ќе му го врати на Скопје некогашниот сјај и спомените.
На корзото, и младите и старите жители на Скопје ќе имаат можност да ги почувствуваат 60-ите, 70-ите и 80-ите години на минатиот век кога градот живееше во ритамот на непосредното дружење и добрата забава.
Задолжен за атмосферата вечерва ќе биде DJ-от Драган Б. Костиќ.
Корзото ќе започне во 20 часот пред платото на ГТЦ (кон паркот Жена – Борец) и ќе трае до 23 часот.
Овој настан е дел од кампањата „Излези за ГТЦ“ која има цел да ги мотивира граѓаните во Општина Центар да излезат на претстојниот референдум кој ќе се одржи на 26-ти Април на кој граѓаните на Општина Центар ќе одлучуваат за изгледот на ГТЦ.