Според првичните информации од ДИК многу е висок одзивот во првиот круг на гласањето, но голем е и бројот на нарушувања на изборниот процес на повеќе изборачки места и во повеќе општини.
„Според информациите со кои располагаме и кои се уште пристигаат и ги добиваме по разни основи, службено и неслужбено, како и според сознанијата од изборните органи, сознанија од гласачи, од кандидати за градоначалници и советници, од политички партии, како и пред се од многубрoјните домашни и странски набљудувачи, невладини организации и слично, но и од медиумите, значајно е да се одбележи дека во текот на гласањето, на изборниот ден, на гласачките места беа присутни и огромен број сериозни нарушувања на изборниот процес и постапката за гласање во и вон избирачките места“, рече Кондарко.
Со оглед на природата и содржината на забелешките за кои имаме информации дека се евидентирани во записниците на многу избирачки места во различни општини, додаде Кондарко, очекувам дека ДИК сериозно и одговорно ќе ги истражи и провери во целост за што во наредниот период во законските рокови ќе одлучува јавно и транспарентно по добивање на записниците од избирачките места.
Броењето на гласовите е се уште во тек особено во Скопје оди отежнато бидејќи има четири гласачки ливчиња, за разлика од сотанатите општини каде се по три.
Податоците од пребројувањето на гласовите слушнете ги од претседателот на ДИК, Борис Кондарко во видеото.