НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025

Интервју со Мирче Јовановски: Последиците од царините на САД – губење работни места и странски инвестиции и намален извоз

April 3, 2025

Интервју со пратеничката на СДСМ Славјанка Петровска: Ни треба повеќе храброст но не во ветувањата туку во исполнувањата

March 25, 2025

Subscribe to Updates

Get the latest creative news from FooBar about art, design and business.

НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

(Видео и фото) Демонстрации во Русија: „Русија без Путин“, повеќе од 1.500 уапсени, луѓето бегаат од државата

0
By Sashko on September 22, 2022 СВЕТ
СПОДЕЛИ
Facebook Twitter LinkedIn Email

Вчера во Русија се уапсени најмалку 1.500 лица во 38 градови кои протестираа против најавената мобилизација, соопшти невладината организација ОВД-Инфо, специјализирана за следење на акции на полицијата.

Ова се најголемите протести во Русија од демонстрациите кои избија по најавата за почеток на руската офанзива во Украина во февруари.

Насилни апсења на демонстрантите против мобилизацијата на Путин и воената агресија врз Украина

Новинарите на Франс прес во Москва сведочат за најмалку 50 приведени на една од главните улици, а во Санкт Петербург полицијата наполнила автобуси со уапсени луѓе. Се вели дека неколку стотици демонстранти биле уапсени во Москва и во Санкт Петербург. Во двата најголеми града се одржаа најголеми протести.

Снимките од апсењата покажуваат повеќе униформирани полицајци кои опкружуваат поединечни демонстранти. Една жена беше забележана како е придружувана додека се обидуваше да ја спречи полицијата да приведе друг машки демонстрант.

Демонстрантите извикуваа: „Русија без Путин“, „Не на војната!“, „Не на мобилизацијата!“, „Путин во рововите!“

Во Москва луѓето скандираа „Русија без Путин“. Во третиот по големина руски град Новосибирск, на видео објавено на социјалните мрежи се гледа како демонстрант извикува: „Не сакам да умрам ниту Путин ниту за тебе!“.

The protest in Novosibirsk has grown. pic.twitter.com/Q7rrYI52bL

— WhereisRussiaToday (@WhereisRussia) September 21, 2022

Учесниците држеа плакати со сино-жолтите бои на украинското знаме и извикуваа пароли како „Не за мобилизацијата!“

Во главниот град, властите ги предупредија луѓето да не учествуваат на протестите, велејќи дека може да се соочат со затворска казна до 15 години.

Русите излегоа на улични протести во градовите на истокот на земјата: Иркутск, Улан-Уде, Хабаровск, Јакутск, Томск, Новосибирск, Екатеринбург.

„Нема да умрам ниту за Путин, ниту за тебе! Ова е ср..е и ти го знаеш тоа!“ извикал млад човек на неколку метри од полицијата. Неколку минути подоцна бил приведен.

🚨 #AlertaADN

Hay protestas en Rusia tras el anuncio del presidente Vladimir Putin sobre la movilización parcial por el conflicto con Ucrania. En redes sociales registran cómo la policía detiene a los manifestantes que se encontraban en un mitín contra la movilización pic.twitter.com/tErl3teUZj

— adn40 (@adn40) September 21, 2022

Снимка од насилни апсења на демонстранти во Екатеринбург

More footage from the protest in Novosibirsk. pic.twitter.com/D7nPzxJNtu

— WhereisRussiaToday (@WhereisRussia) September 21, 2022

И Во Дагестан, локалното население очигледно не сака да војува со Украина. Службеникот за регрутирање тврди дека треба да се борат за иднината, граѓаните му возвраќаат:

„Немаме ни сегашност, за каква иднина зборуваш“, одговара мајка која не дава да ѝ го регрутираат синот.

Pretty powerful video. In Dagestan locals clearly don’t want to go to war with Ukraine. The recruiting officer argues they have to fight for the future. – We don’t even have a present, what future are you talking about,” replies a Dagestani man. pic.twitter.com/1O4ob2GhSN

— Tadeusz Giczan (@TadeuszGiczan) September 22, 2022

Павел Чиков, адвокат на руската група за човекови права Агора, вели дека Агора добила 6.000 барања на својата телефонска линија од вторникот наутро, од Руси кои сакале информации за правата на војниците.

Од почетокот на војната против Украина пред речиси седум месеци, руската држава континуирано ги напаѓа и апси противниците на војната.

Русите бегаат од државата

По најавената мобилизација во Русија, експресно почнало купување за авионски билети од Москва за земји во кои Русите можат да влезат без виза, како Турција, Ерменија, Грузија и Србија. Билетите за Истанбул и за Ереван се распродале во многу кус период, пишува „Бизнис Инсајдер“.

Цената за летовите од Москва до Истанбул или Дубаи достигнале дури 9.200 евра за еднонасочен билет во економска класа по најавата на Путин, објави Асошиетед прес.

Сите билети на руската државна авиокомпанија „Аерофлот“ за летови од Москва за Истанбул во следните три дена се распродадени.

Летовите на „Аерофлот“ од Москва за Ереван, главниот град на Ерменија, до викендот се исто така распродадени.

Од она што може да се види на руската платформа за патување „Авиасејлс“, дефинитивно повеќе нема билети за Истанбул, Ереван и Белград. „Авиасејлс“ е најпопуларната руска платформа за авионски билети. Цената на билетите на овој сајт вртоглаво растеше од минута во минута и достигна речиси 4.500 евра за билет во еден правец за Истанбул.

Поголема група Руси вчера слетале и на белградскиот аеродром, бегајќи од војната и мобилизацијата. Во изјави за порталот Nova.rs велат дека се исплашени, дека Путин е убиец кој ги тера во конфликт што не го сакаат. Низ солзи кажаа дека се плашат за своите семејства.

Многумина во страв не сакаа да зборуваат пред камерите, обидувајќи се да ја остават војната зад себе и конечно да бидат безбедни. Имаше и такви кои ги споделија своите искуства за актуелната криза во Москва и објаснија зошто си ги платиле билетите и тргнале кон Белград.

„Мојот сопруг остана во Русија. Многу мои пријатели добија повик за мобилизација. Мои колеги и воопшто младите момци“, рече таа.

Јулија рече дека поканите ги добивале млади луѓе, иако на почетокот се зборувало дека младите нема да добијат покани. А повиците, според неа, стигнале на нивните домашни адреси.

„Мојот брат е кај Изиум. Го регрутирале иако има 20 години. Тој е кај Изиум во војната веќе три месеци. Тој отиде во војна на 29 јули и беше во Изиум и Харкив. Не верувајте во се што се зборува во Русија!“, рече Јулија.

Матвеј од Санкт Петербург, во изјава за Би-Би-Си, вели оти се надевал дека тоа никогаш нема да се случи“.

„Сега е очигледно дека Путин нема да се повлече и ќе ја продолжи својата глупава војна до последниот руски државјанин“, вели Матвеј.

Триесетиедногодишниот Русин Евгениј, кој живее во Велика Британија, изјави: „Апсолутно сите се плашат, сите испраќаат различни информации за мобилизацијата. Многу е тешко да се открие што е вистина, а што не. Никој нема доверба во владата“.

Не стивнуваат жестоките реакции во светот после објавата на Путин дека во Русија ќе има делумна мобилизација со цел да зголеми бројот на војници во агресијата во Украина.

Путин вчера објави делумна мобилизација во земјата со цел да се зголеми бројот на војници во војната во Украина.

Рускиот министер за одбрана Сергеј Шојгу изјави дека делумната мобилизација се однесува на лица со воено искуство и рече дека ќе бидат повикани 300.000 резервисти.

Извор: frontline.mk

Share. Facebook Twitter LinkedIn Email
ТИКЕР

Постапките на Трамп убиваат, а љубовта спасува животи“, кажаа на Парадата на гордоста во Амстердам

August 3, 2025

Потврдена е првостепената пресуда против претседателот на Република Српска

August 1, 2025

Германија ќе испорача два системи „Патриот“ на Украина како дел од договорот со САД

August 1, 2025

Протест во Шабац против рудникот за литиум

August 1, 2025

Екс премиерот на Хрватска Санадер пуштен на условна слобода

July 31, 2025
ФОКУС

Милановиќ ѝ забрани на хрватската армија да соработува со Израел

ВЕСТИ August 3, 2025

Претседателот на Хрватска Зоран Милановиќ ја повика хрватската влада да ја прекине трговијата со оружје…

Честитки од државниот за Илинден

August 2, 2025

Одбележување на Илинден во Крушево, Пелинце и Скопје

August 2, 2025

Кијив: Ден на жалост по смртоносниот напад во кој загинаа најмалку 28 лица

August 1, 2025

Претплати се на е-билтенот на НоваТВ

Добиј ги последните вести на твојата е-адреса.

CIVICA
Facebook
  • Редакција
  • Маркетинг
  • Политика на приватност
© 2025 НОВА ТВ

Type above and press Enter to search. Press Esc to cancel.