Најмалку шест лица, меѓу кои и деца, се убиени во пукање што се случи утрово во училиштето 88 во Ижевск во Русија. Според првичните информации, напаѓачот извршил самоубиство.
Министерството за внатрешни работи на Русија го потврди нападот и убиствата на шест лица.
„Убиени се шест лица, а повредени се 20“, соопшти руското МВР.
⚡️#Russian Telegram channels report that the gunman who attacked the school shot himself. The number of injured children has risen to 9. pic.twitter.com/2BTCcNuYk6
— NEXTA (@nexta_tv) September 26, 2022
Гувернерот на Република Удмуртија, Александар Бречалов потврди дека во нападот е убиено лице од обезбедувањето во училиштето 88, како и деца меѓу останатите жртви.
„Маж упаднал во училиштето, го убил вработениот за обезбедување. Меѓу убиените има и деца“, рече Бречалов.