Веќе се е организирано за прошталната церемонија со која досегашната канцеларка на Германија , Ангела Меркел ја напушта политичката сцена. На церемонијата која ќе се одржи на 2 декември, во четврток во дворот на министерството за одбрана во Берлин, ќе одекнат звуците од песните на германската пејачка и актерка од 50-тите години од минатиот век Хилдегард Кнеф „Für Mich Solls Rote Rosen Regnen“.
И со песната на „божицата на панкот“ како што ја нарекуваат панк-рок пејачката Нина Хаген со изведбата на „Du hast den Farbfilm vergessen“ која и донесе популарност во 1974 година.
Ова го објави Шпигел, повикувајќи се на извори во организациониот одбор за церемонијата.
Целото случување ќе се одвие во скратен формат поради пандемијата а поканети биле околу 200 гости, меѓу кои и актуелниот канцелар Олаф Шолц кој ќе одржел кус говор.
Според традицијата во Германија, политичарите при напуштање на политиката сами можат да му порачаат на оркестарот на Бундесверот музика која е по нивен избор.
Па така покрај песните на Хаген и Кнеф, оркестарот на Бундесверот ќе ја исполни икуменската химна „ Те славам, Голем Боже“ напишана во 1771 година. Пред Меркел, Шредер исто така избираше музика за церемонијалното простување од политиката.