На плоштадот Пела во центарот на Скопје во 19.30 започна митингот на СДСМ и коалицијата на кој се претставуваат кандидатите за пратеници од СДСМ и од коалициските партнери, како и претседателскиот кандидат Стево Пендаровски.
Илјадници граѓани се собраа вечерва на плоштадот „Пела“ во Скопје за да му дадат поддршка на СДСМ и на коалицијата, кои на големиот собир ги претставија кандидатите за пратеници и својот претседателски кандидат, Стево Пендаровски.
Мотото под кое СДСМ тргна во кампањата за предвремените парламентарни избори кои ќе се одржат на 27 април е „Промени за нов почеток“.
Пораката која СДСМ ја испрати од Пела е дека доаѓа ново време за Македонија. Носителите на изборните единици од Социјалдемокраскиот сојуз му порачаа на Груевски дека е дојдено време за промени кои ќе бидат најавени на 13 април и новото време кое доаѓа по 27 април.
«Цврсто сме решени да ја вратиме државата на граѓаните. Без разлика каде и на која категорија и припаѓаме, мораме заедно да придонесеме за подобар живот на Македонија. И на оние колебливите кои никогаш не гласале им порачуваме – може подобро да се живее. Тоа им го прачуваме и на младите кои изгубиле надеж. Може да има и објективно судство, и независни медиуми. Може да се врати и меѓународниот углед на земјата, може да станеме членка на НАТО и на ЕУ без да се промени името, тоа го можат новите луѓе кои носет нови промени и нов почеток за Македонија» – истакна лидерот на СДСМ.
Во Македонија може и мора да се живее подобро, Македонија заслужува подобра иднина им порача на граѓаните лидерот на СДСМ, Зоран Заев. Тој рече дека нема да се дозволи да се украде Македонија на овие избори зошто тоа ќе биде спречено и заедно ќе победиме, истакна Заев.
Претседателот на СДСМ пред граѓаните истакна дека државата ќе се врати на граѓаните.
«Во Македонија може и мора подобро да живееме, Македонија заслужува подобра иднина. Оваа што го гледам влева огромна енергија и верба за нов почеток. Мора да се победи оваа недемократска власт. Во име на граѓаните, со задоволство можам да констатирам, тоа што го чуствувавме на сопствена кожа, повеќе нема да го потиснуваме. Нема веќе да премолчуваме, на овие избори тоа ќе го спречиме, ќе победиме. Ако некој уште има сомнеж дека не може, тогаш прашајте ги луѓето во Центар дали не може. Три круга издржаа и кажаа „не“ за власта на Груевски. Овојпат така ќе биде за цела Македонија, Стево Пендаровски во првиот круг ќе ја најави големата победа на Македонија» – рече Заев.