“Неонацисти кои се борат против екстремната десница без да сакаат” е насловот на Зудојче Цаитунг по манифестацијата на неколку стотини десно радикални милитанти која, без тие да сакаат, беше претворена во манифестација против неонацистичкото движење на 8 ноември во Баварска.
На жителите на малиот град Вунсидел очигледно им беше смачено да ги гледаат дефилеата на неонацистите во слава на Хитлер и Рудолф Хес. Обидите да го спречат собирањето на овие радикали не донесе резултат па така жителите одлучиле самите да сторат нешто. И да го претворат протестот во “трка за дарување”, еден вид добротворна акција во која за секој метар изминат од страна на неонацист се даруваа 10 евра наменети за програмата за помош на екстремните милитанти кои сакаат да го напуштат ова радикално движење. Се разбира, планот не беше обелоденет кај учесниците на маршот кои ги славеа “хероите на нацијата”.
Видеото кое беше снимено (на германски со англиски превод) покажува како жителите креваат плакати и ленти поставени на земја со слогани кои ги охрабруваат радикалите да продолжат на чекорат: “Давајте, одете”.
Резултат: жителите собраа 10.000 евра за Егзит Дојчланд (Exit Deutschland), најголемата програма за ексфилтрација на радикалите од групите на екстремната десница. “Принципот е едноставен и генијален”, пишува весникот.
Жителите имаа и транспаренти на кои пишуваше: «Ако фирерот знаеше….». На крајот на протестот секој од екстремните учесници доби потврда дека учествувал на «Маршот против екстремната десница».