Најновото огнено жариште за кое информираат грчките медиуми, избувнало околу 8 часот во областа Карвоунас, во Неос Мармарас на Ситонија. Инаку на подрачјето на Халкидики пожарникарите гаснат пожари на три локации.
Според грчките медиуми, на местото пристигнале шест противпожарни возила, а во моментов пожарот не им се заканува на зградите.
Пожар избувнал по 9 часот утрово и во шумскиот предел во реонот Фурка на првиот прстен.Таму со пожарот се борат повеќе од 20 пожарникари. Во моментов нема опасност за куќите, но пожарот опасно се доближува до пределот со станбени единици. Грчките медиуми јавуваат дека речиси истовремено избувнал пожар во руралниот дел на областа Заипи на првиот крак на Халкидики, Касандра. Во моментов на терен се околу 15 пожарникари.
Во гаснењето на помош тргнале и авиони, јавуваат грчките медиуми.