Заедно со Лондон, Париз, Виена, Москва, Берлин, Копенхаген, Брисел, Истанбул, Мадрид, Амстердам, Љубљана, Цирих и други светски метрополи Скопје синоќа беше дел од гала премиерата на анимираниот филм “Штрумфови 2“
Погледнете го трејлерот на филмот синхронизиран на македонски јазик кој е на редовниот репертоар на киното „Cineplexx“ во Skopje City Mall е од 15 август, четврток.
На свечената премиера на филмот, кој што претставува најнова продукција на студиото „Pixar“, присуствуваа голем број јавни личности како и актерите кои учествуваа во синхронизацијата на македонски јазик.
Меѓу актерите кои ги позајмија своите штрумфастични гласови секако мораме да ги издвоиме нашите одлични актери: Никола Ристановски, Томе Витанов, Зорица Панчиќ, Сашко Коцев, Дејан Лилиќ, Гораст Цветковски, Нино Леви, Ѓокица Лукаревски, Гоце Тодоровски, Петар Арсовски, Јана Руси, Борче Начев, Александар Алексовски, Розета Арсова, Трајче Ѓеоргиев и многу други! За синхронизацијата на филмот беше задолжено Студио Кларион. Дистибутер на филмот е Continental Film од Хрватска.
Раја Госнел, режисер на филмот изјавува: „Штрумфови 2 е базиран на оригиналната приказна од 50-те. Мојата цел беше да создадам филм кој настојував да биде забавно искуство, со доза на емотивно задоволувачко возење. Работевме навистина вредно за да му дадеме драматична нишка. Приказната ја дополнува оригиналната верзија во која Штрумфета всушност е креирана од Гаргамел, од сива глина. Таа доаѓа во селото на Штрумфови за да создаде хаос, но тогаш Папа Штрумф ја препознава добрината во неа, и така таа станува дел од Штрумфовите и станува сина. Но користејќи го нејзиниот лик како отскокнувачка точка, иако таа е значаен Штрумф за Гаргамел, овој филм започнува со нејзината мала криза за сопствениот идентитет. Всушност овој филм е нејзино емоционално патување и истражување која е таа и каде припаѓа.“
Анимираниот хит „Штрумфови“ од 2011 година оствари заработка на кино благајните која ги надмина и најоптимистичните очекувања, филмот заработи повеќе од 560 милиони долари ширум светот.