Вчера утрото во Тирана е извшен атентат врз 57 годишниот бизнисмен Артан Санто. Санто беше познат во Албанија како еден од сопствениците и директор на Крединс банката. Тој беше акционер и во медиумската „Фокус“ групација, како и еден од сопствениците на ТВ Скан.
Според првичните информации, врз бизнисменот Санто пукале двајца непознати напаѓачи и тоа во мигот кога убиениот се упатил кон влезот на банката која што ја управувал.
Очевидците на нападот тврдат дека едниот од напаѓачите вперил револвер кон полицаецот кој патролирал во близината каде што се случило убиството, додека вториот пукал врз бизнисменот Санто. Убиениот бил погоден со 6 куршуми во главата и починал на самото место на настанот.
Првичните полициски информации говорат за професионални убијци, кои не оставиле траги зад себе. Албанската полиција трага по извршителите на убиството, при што се верува дека тие се упатиле кон Фуш Круја.