Бегалската криза носи проблеми но и идеи. Така, хрватскиот Центар за студии за мирот, во соработка со волонтери, одлучи да реализира една иницијатива која има за цел да ја поддржи интеграцијата на бегалците.
Проектот подготвува и документарен филм и овде можете да ја погледнете најавата.
Во рамки на социјалната кооператива “Вкус на домот” работи со помош на 30 бегалци и волонтери од Сирија, Сенегал, Нигерија, Етиопија, Афганистан и Хрватска. Тие подготвуваат вкусни јадења по оригинални рецепти од нивните земји.
“Вкус на домот” работи врз партиципативно финансирање преку социјалните мрежи а добиена и е помош од хрватската влада. На овој начин екипата се надева дека ќе може да ја екипира кујната.
Овој кулинарско-јазичен колектив успеа во само 24 часа да собере речиси 5 илјади евра преку партиципативно финансирање преку социјалните мрежи.
Идејата е размена на искуства и кулинарски вештини помеѓу локалното населние и бегалците и начин да им се стави крај на предрасуди околу бегалците. Хрватска веќе десет години има закон за азил но досега одвај 160 луѓе добиле азил. Бегалците не сакаат да останат во Хрватска поради тоа што земјата не им нуди можности да се интегрираат, да го научат јазикот или да отворат бизнис.
Досега јадењата подготвени од овие волонтери и бегалци можат да се пробаат на разни места за кои можат да се најдат информации на интернет страна на колективот. Но, “Вкус на домот” би сакал да има своја кујна а некои се надеваат дека можат да направат “кетеринг” и да носат храна по нарачка кај муштериите, па дури еден ден и мал ресторан во Загреб.