Продолжуваат недоразбирањата на релација Пауновски – Влада. Откако денеска директорот на Државниот пазарен инспекторат (ДПИ), Стојко Пауновски, изјава дека не добил никакво укажување од Владата за неговото однесување, со реакција на твритер се огласи владиниот портпарол.
– Пауновски е детално информиран за неговото непостапување – ДПИ доби дописи на 5, 10 и 21 април од министерствата за политички систем и информатичко општество и администрација. Имаше и повеќе усни укажувања. Во меѓувреме не побарал средба, не разговарал и не предложил начин на решавање на евентуалните предизвици, се вели во твитер реакцијата на портпаролот на Владата.
Во меѓувреме не побарал средба, не разговарал и не предложил начин на решавање на евентуалните предизвици.
— Портпарол на @VladaMK (@portparolVRSM) April 25, 2021
Според владиниот етички кодекс, функционер се разрешува и ако тој јавно не се согласува со одредена владина одлука, а има опција и за поблага мерка. Но, за да дојде до негово разрешување, тоа треба да биде иницирано од вицепремиерот Љупчо Николовски, кој е одговорен за следење и спроведување на етичкиот кодекс, а не од премиерот Зоран Заев. Во случајот со директорот на ДПИ, Заев веќе најави дека очекува предлог за разрешување.