Во соопштение од владата од денешната седницата изјавуваат дека е утврден е нов закон кој ќе има многу позитивен ефект врз трансродовата заедница во С.Македонија. Транс или трансродова личност е за лице чиј пол назначен при раѓање не се совпаѓа со нивниот родов идентитет. Луѓето со небинарен родов идентитет исто така може да се идентификуваат како трансродови особи. Соопштението за овој Предлог-закон гласи вака:
„На предлог на Министерството за правда на денешната седница е утврден Предлог-законот за изменување на Законот за матична евиденција со кој ќе се овозможи признавање на родовиот идентитет на трансродовите лица согласно позитивното меѓународно законодавство и почитувањето на сите човекови права.“
Иако ова е само прв чекор во еден долг процес за носење на ваков закон, утврдувањето на овој предлог закон е добар почеток. Активистите за трансродови права и транс заедницата во С.Македонија се бори со години за носењето на еден ваков закон кој многу би им ги олеснил нивните животи.
Еден од најголемите проблеми за транс заедницата во С.Македонија е тоа што тие немаат јасна правна и административна рамка преку која би можеле да ги сменат своите лични документи. Односно трансродовите лица може легално да ги сменат своите имиња, но не и да го сменат својот пол и матичен број на лични документи како лични карти, пасоши, здравствени книшки и слично. Фактот што не постои било каква процедура која би им дозволила на транс луѓето да ја направат оваа промена е причина за многу случаи на дискриминација и насилство према на трансродовите луѓе каде тие кога пробуваат да извршат некоја обична работа, како одење во банка или вадење документи од државна институција, тие треба да објаснуваат на непознати службеници зошто нивниот изглед или име не се совпаѓа со полот и матичниот број означен на нивните лични документи.
Активистката за правата на трансродовите лица, Лила Милиќ зборува подетално на оваа тема на епизодата на емисијата „Моја сторија“ каде темата на дискусија беa ЛГБТИ правата.