Предлозите за измени во законот за влада и министерства, кои предвидуваат новата влада да има 16 министерства, пристигнале во Собранието на Србија, изјави Зоран Бабиќ од Српска напредна странка.
Според него, владата ќе има 16 министерства и ќе биде одраз на економската состојба на државата и заштедите кои мора да се направат.
Тој соопшти дека владата на Србија ќе ги има следните министерства: Министерство за енергетика и рударство, Министерство за земјоделство и заштита на животната средина, Министерство за градежништво, транспорт и инфраструктура, Министерство за трговија, телекомуникации и туризам, Министерство за правда.
Предвидени се и Министерство за државна администрација и локална самоуправа, Министерство за образование и наука, Министерство за внатрешни работи, Министерство за надворешни работи, Министерство за одбрана, Министерство за здравство, Министерство за труд, вработување и социјални прашања, Министерство за млади и спорт, Министерство за култура и информации, Министерство за економија и Министерство за финансии.
Бабиќ најави дека пратениците утре ќе дискутираат за предлог-законите, а на 27. април ќе ја добијат новата влада.
Српскиот претседател Томислав Николиќ вчера официјално му го додели мандатот за состав на нова влада на лидерот на Српската напредна партија (СНС) и досегашен вицепремиер Александар Вучиќ, кој најави дека од земјата ќе направи здрава и пристојна држава.