Телото на Варнскиот и Великопреславски митрополит Кирил било извадено од морето по интервенција на „морската администрација“, објави бугарскиот весникот „Труд“.
Иако предходно во бугарските медиуми се рашири веста за наводно убиство на владиката, форензичарите од болницата „Св. Марина“ во Варна соопштија дека станува збор за срцев удар.
Според изјавите на Димитар Стаматов и Јордан Јорданов од рибарската компанија „Тракија“, која се наоѓа во близина на дивата плажа, тука дедо Кирил доаѓал секое утро да плива.
Денеска митрополитот пристигнал сам околу 7:30 со торба и нуркачка опрема, го оставил багажот на брегот и влегол во морето. Во тоа време плажата била празна.
Телото на духовникот го видела пливачка, која според рибарите била лекар. Токму таа јавила за инцидентот.
Околу 8:30 интервенирала „морската администрација“, по што било извадено безживотното тело на митрополитот.
15 минути подоцна пристигнале полицајците и Брзата помош.
„Водата е доста ладна. Ако дедо Кирил нуркал, можеби добил срцев напад. Тој редовно доаѓаше да плива рано наутро. Пристигнуваше пеш, понекогаш дури и бос“, рекоа рибарите.
„Не сум вешт пливач, но сакам да нуркам“, беа честите изјави на митрополитот.
Тој после смртта на бугарскиот патријарх Максим, минатата година, митрополит Кирил беше назначен за привремен патријарх.