Црквата не го одобрува абортусот, тоа е убиство на дете во утробата на мајката, изјави денеска во Битола владиката Петар. Тој рече дека им се обраќа на верниците.
„Познатата глумица Мерлин Монро заради кариерата како актерка не сакала да раѓа деца. Нејзиниот живот завршува со самоубиство како последица на тоа што одлучила да се направи хирушки зафат да не може понатаму да раѓа, а потоа откако се јавиле чувството и желбата за мајчинство да роди деца тогаш било поцна и затоа и завршила така трагично“, вели Митрополитот Петар.
Вадиката рече дека со предлог – законот за прекин на бременоста се спречуваат два грева – првиот е што според него, се спречува можно самоубиство на жената поради евентуални компликации при абортусот, а вториот е што се спречува таа евентуално да стане неплодна.
Тој се најде да биде повикан за изјава бидејќи завчера од собраниската говорница пратеничката Лилјана Поповска рече дека владата не смее да го донесе законот кој е изработен според рецептот на владиката Петар.