Владиката Петар со апел до верниците да ги почитуваат мерките, предупредува вирусот е сериозен. Тој веќе 20 дена е на болничко лекување откако добил поситивен тест. Тој во изјава за Сител открива дека од пред некој ден во болница е и повардарискиот митрополит Агатангел.
Од редот на владиците, околу божиќните празници вирусот веќе го прележа владиката Пимен, кој најверојатно се заразил додека беше во Германија пред Нова година. А позитивен на корона беше и новиот поглавар на ИВЗ.
Со апел до верниците и првиот човек на Комисијата за односи со верките заедници Даријан Сотировски, сите да се придржуваат до мерките и да прифатат да се вакцинираат.
Во однос на тоа како ќе се празнуваат Велигден и Рамазан, среде третиот најопасен досега бран на ковид, Сотировски вели дека во овој момент е прерано да се размислува и процени каква ќе биде состојбата со вирусот за две недели.
– Но без разлика каква и да биде епидемиолошката слика, ќе ги следеле одлуките на Комисијата за заразни болести, додава Сотировски.
Претходно министерот за здравство Филипче апелираше граѓаните да останат дома за празниците. А пред три дена од Вила Водно апел упати претседателот Пендаровски и поглаварите и претставниците на верките заедници.