СДСМ ниту изедначувал, ниту има намера да изедначува било кого. Единствено посочивме дека мора да се разговара и да се изнајде решение за сите, па и за најгорливите прашања.
Ова се вели во реакцијата на СДСМ на изјавата на здружението „Бедем”, кои побараа извинување од новиот лидер на партијата Зоран Заев, заради како што рекоа, изјавата со која ги изедначил бранителите и борците на ОНА.
„СДСМ ги демантира наводите на партиската испостава на ВМРО-ДПМНЕ. Изнесените лаги се класична манипулација со јавноста”, порачуваат од СДСМ.
На реакцијата од опозициската СДСМ претходеше соопштението од владејачка партија во кое истакнуваат дека граѓаните на Струга и Кичево се огорчени од изјавите на Зоран Заев дека коалициите на СДСМ и ВМРО-ДПМНЕ во Струга и Кичево биле погрешен потег.
Овие коалиции беа направени како резултат на желбата за заеднички настап и на членовите на СДСМ и на членовите на ВМРО-ДПМНЕ, но и на сите граѓани на Струга и Кичево за одбрана на интересите на овие две општини, велат од ВМРО ДПМНЕ.