„Наместо конструктивност, СДСМ излегува со нецелосни информации за да ја дезинформира јавноста. Зборуваат за аукција на државни хартии од вредност од 20 милиони евра, но занемаруваат да кажат дека веќе денес во стопанството се вратени 18,8 милиони евра“, велат од ВМРО-ДПМНЕ по денешниот прес на потпретседателот на опозициската партија, Ванчо Узунов.
„Сосема предвидливо од СДСМ е секогаш кога Владата на ВМРО-ДПМНЕ ќе постигне успех и ќе направи чекор напред за подобар живот и иднина на овој народ, тие да излезат со режирани прес конференции за да ја прикажат Владата во негативно светло.
– Очекувавме барам малку доблест од СДСМ да го поздрават потпишувањето на договорот за Јужен тек, договор кои ќе ја обезбеди енергетската стабилност на сите нас и нашите поколенија, договор кој ќе обезбеди ефтин енергенс и подобрување на стандардот на граѓаните, како и поголема рентабилност на производството на домашната индустрија.
– Сепак СДСМ е далеку од таа политичка култура. Како економист и професор тој сигурно знае дека преку издавањето на хартии од вредност се врши пеглање на билансите и дека така работат сите економии во Европа и светот.
– Исто така Узунов заборави да спомене дека Македонија е 4-та најмалку задолжена земја во Европа. За ниската задолженост добивме признание и од Светска банка и од ММФ.
Узунов исто така заборави да спомене дека Македонија е единствената земја во регионот која пристапи да го решава и го реши, проблемот со обврските кон стопанството. Од Буџетот на Република Македонија редовно се исплаќаат плати, пензии, субвенции, се врши поврат на ДДВ.
– Сето тоа се случува во време на европска економска криза, а притоа Македонија е случај на земја која ја задржа стапката на најниски даноци во Европа, кога многу поразвиени економии ги покачија даноците.
– Болката на СДСМ е разбирлива. Посветеноста и упорноста на Владата на ВМРО-ДПМНЕ да овозможи подобар живот на своите граѓани дава резултати, вроди со плод, впрочем секогаш така е кога се работи добронамерно за својот народ. Тоа е нешто што на СДСМ никогаш не му тргнало од рака, затоа и ваквата реакција“, се вели во соопштението на ВМРО-ДПМНЕ.