„На овие избори победија граѓаните на Република Македонија кои избраа претседател, кои избраа легитимни органи на државата. Имавме мирен ден без ниту еден посериозен инцидент сите ние остваривме една голема победа. Ова беа најмирните избори во историјата на Македонија. Дозволете да изразам голема благодарност до сите граѓани за нивниот успех, бидејќи е тоа успех и за државата.
Денеска граѓаните покажаа дека се Европејци. Иако постоеја јалови обиди од опозицијата да се претстават овие избори како нерегуларни тоа не успеа бидејќи тоа граѓаните не го дозволија. Граѓаните го дадоа најголемиот одговор.
СДСМ се обиде да претстави дека има прекршување на изборниот процес, без ниту еден доказ или аргумент, или пак со само недоречености и манипулации. Граѓаните тоа не го дозволија“ – изјави Антонио Милошоски од ВМРО-ДПМНЕ на вечерашната прес-конференција.
„Опозицијата се занимава со монтажи на слики, обвинуваат на притисоци врз одредени категории на граѓани, без докази и аргументи. Претставници на опозицијата правеа нелегитимни дејства врз вработени во администрацијата во општините каде имаат свои градоначалници.
Агитираа на избирачки места, па дури и измислуваа приказни преку некои нивни медиуми. Но, тоа граѓаните не го дозволија. Најдобриот одговор дали граѓаните го прифаќаат ова ќе дојде преку изборниот резултат“ – рече Милошоски.