СДСМ повторно се обидува да ги манипулира граѓаните и неаргументирано да пласира црни сценарија за Македонија. Повторно без елементарни познавања на економската наука и пракса се изнесуваат невистини и паушални обвинувања, реагира ВМРО – ДПМНЕ.
Уште еднаш ќе напоменеме дека и најновите проекции на ММФ од октомври се во линија на проекциите кои Владата претходно ги објави, што е потврда дека при подготовка на истите се земени во вид издржани претпоставки и истите се направени врз основа на детални и стручни анализи. Дали опозицијата смета дека и ММФ, која е најреномирана светска меѓународна финансиска институција, своите проекции ги прави врз основа на паушални анализи и без аргументи. При подготовката на проекциите за растот на БДП, Владата на Република Македонија континуирано ги следи најреномираните меѓународни финансиски институции, меѓу кои ММФ, Светска банка, Европската Комисија и ЕБРД, кои на редовна основа ги објавуваат најновите проекции за светската и европска економија врз основа на актуелните случувања, истакнуваат од ВМРО – ДПМНЕ.
При подготовката на Буџетот за 2014 година Министерството за финансии ги направи сите потребни анализи и извршени се консултации со сите министерства и други буџетски корисници, при што во предвид е земена и реализацијата на повеќегодишните проекти, и истото е вградено во среднорочната буџетска рамка. Дополнително, во вид се земени и консултациите што Владата на редовна основа ги прави со домашните и странски инвеститори, стопанските коморите и бизнис заедницата, што неможе да се каже дека беше случај во периодот кога СДСМ ги креираше економските политики.