Во рамките на својата Либерална група словенечкиот европратеник Иво Вајгл изјави дека лидерите на ВМРО и Ѓорге Иванов треба да ја преземат одговорноста за дестабилизација на земјата.
А претседателот на Либералната група и екс белгиски премиер Ги Верхофштад луто изјави дека Парламентот не е ринг за бокс.
«Лидерот на ВМРО и претседателот на Македонија мораат да преземат одговорност за дестабилизација на земјата. Сега, повеќе од кога и да е, ЕУ мора да ја зајакне својата поддршка за демократска транзиција во Македонија и решавањето на старите билатерални спорови», изјави Вајгл.
«Парламентот не смее да се претвора во ринг за бокс. Тоа е неприфатливо! Политиката мора да се работи на преговарачка маса и го повикувам ВМРО да го напушти насилството а сите политички сили во Македонија да ги почитуваат демократските правила на игра, да ги почитуваат резултатите на изборите и да тргнат во формирање влада. Иднината на Македонија и мирот во регионот се во прашање», изајви Верхофштад.
Со оглед на чувствителноста на ситуацијата тој ја повика и «Федерика Могерини и лидерите на ЕУ да го зајакнат ангажманот за да го олесни процесот на формирање влада на Македонија».