Управата за ветеринарство на Република Чешка, соопшти дека во коњското месо увезено од Полска, е пронајден фенилбутазон, лек кој се дава на коњи, а кај луѓето може да предизвика здравствени проблеми.
Продажбата на месо од животни на кои им се дава овој лек е забранета во Европската унија.
Бидејќи во европските земји се откри измамата дека коњското месо наводно содржи само свинско или телешко, илјадници месни производи во Чешка беа испратени на анализа, според која се откри дека во месото има лек за животни.
Јозеф Дубен, портпаролот на Управата за ветеринарство вчера изјави дека лекот бил пронајден во коњско месо кое има дозвола да се продава, во една специјализирана продавница во Острава, источниот дел на Чешка, во близина на границата со Полска.
До сега е познато дека околу 300 килограми месо се испорачани од Полска во оваа продавница.