Вкупната бројка на пациенти позитивни и суспектни на корона вирусот кои се лекуваат на инфективните одделенија во главниот град и во болниците низ земјава е 391 и има околу 450 празни болнички кревети во ковид центрите, информира Министерството за здравство.
Во изминатите 24 часа во ковид центрите во Скопје се хоспитализирани шест нови пациенти поради компликации од корона вирусот со што вкупно 151 лице сомнително и потврдено за Ковид 19 се лекува на инфективните одделенија во главниот град од кои голем дел се на кислородна поддршка. Дома се пуштени 20 оздравени пациенти.
В последното деноноќие, на Интерните клиники имало два приеми. Во ковид центарот во ГОБ 8 Септември имало седум примени пациенти, а шест биле примени на Клиниката за инфективни болести и фебрилни состојби во текот на вчерашниот ден.
Во ковид центрите на Интерните клиники се лекуваат 31 пациент. Во ГОБ 8 Септември има вкупно 53 болни, а на Клиниката за инфективни болести и фебрилни состојби лежат 67 пациенти.
-Бројот на приеми во изминативе денови се намалува и утрово до 8 часот имало 150 слободни места, а се очекува во тек на денот по направените исписи на оздравените пациенти да се ослободат и дополнителни места, велат од Министерството.
Нагласуваат дека во изминатите 24 часа во ковид центрите во болниците низ земјава е пријавено дека се лекуваат вкупно 240 пациенти позитивни и суспектни на корона вирусот.
Во болницата во Битола се хоспитализирани 26 пациенти, позитивни и суспектни на Ковид 19. Во болницата во Штип се хоспитализирани 28 пациенти. На инфективното одделение во Тетово има пет пациенти, во Велес се лекуваат 29 болен, а во Куманово 43 пациент позитивeн и суспектни на Ковид 19. Во ковид центарот во Охрид има хоспитализирано 29 пациенти, во Прилеп 15, во ковид центарот во Гостивар седум, а во Струга 19 болни. Во болницата во Струмица хоспитализирани се 14 пациент, во Кочани, Кичево и Кавадарци по седум, а во Гевгелија четири лица позитивни и суспектни на корона вирусот.
Сите одделенија на клиничките болници располагаат со болнички места до кои има довод на кислород.