Рано изутринава гореше автомобил „мерцедес“ на паркинг пред станбена зграда во Штип. Само брзата интервенција при гаснењето спречила возилото целосно да изгори.
Ова е 20 опожарено возило од почетокот на годината во Штип.
Емир Чавиров сопственик на возилото марка „мерцедес“ како што пренесе ТВ21 изјавил дека Противпожарната служба веднаш пристигнала, но возилото за кратко време е целосно изгорено. Тој рекол дека нема непријатели кои би можеле вака да му наштета. Очекува полицијата да ги најде сторителите на намерното палење на неговиот автомобил и предупредува дека некој може и да загине.
Според информациите од штипските пожарникари, кај нив пожарот бил пријавен во 5.45 часот, по што веднаш излегле на терен. Огнот зафатил и друго возило, кое било паркирано до мерцедесот.
Од СВР Штип засега не соопштуваат детали, во очекување да заврши увидот.
Пред пет дена беше запалено возилото на Никола Тушев, поранешниот претседател на штипски СДСМ, но полицијата се уште не утврдила кој го запалил.
Полицијата истражува кој ги запали возилата на таткото и братот на екс пратеничката Тушева