Полициски службеник е најверојатно прободен со нож во британскиот Парламент, како што го цитираат спикерот Дејвид Лидингтон, светските медиуми, во услови кога не е јасно што точно се случува во централен Лондон.
Тој им порачал на пратениците да останат во просториите бидејќи напаѓачот бил застрелан но се уште се работи за “сериозен“ инцидент.
Би-Би-Си пишува дека полицијата ги информирала дека застрелано е неидентификувано лице, а пратениците ја брифирале репортерката на медиумот дека слушнале три до четири истрели.
Во исто време, полицијата Скотланд Јард соопшти дека била повикана на Вестминстер мостот кој е во непосредна близина на Парламентот, бидејќи неколку луѓе се повредени.
Во моментов Лондон е пломбиран од полицијата, метроата се затворени а сообраќајот пренасочен.