Во Куну почна погребот на Нелсон Мандела, традиционална церемонија со која завршува десетдневниот период на жалење.
Мандела, анти-апартхејд иконата и таткото на модерна Јужна Африка почина на 95 години, на 5 декември.
На овој линк можете да го следите во живо погребот на Мандела
Комеморацијата за Нелсон Мандела се одржа на 10 декември, која ја следеа илјадници луѓе на стадионот во Јоханесбург, голем број претседатели на држави и влади- меѓу нив американскиот претседател Барак Обама, со сопругата Мишел, а во авионот беше и неговиот претходник Џорџ Буш.
Тука беше и лидерот на Куба, Раул Кастро, земја која е половина век во непријателски односи со САД. И тој и Обама имаа свое обраќање. Дождливото време не ја избриша дарбата на Мандела да ги доведе непријателите заедно преку политичките и расните поделби.
Присуствуваа и францускиот претседател Франсoа Оланд, како и неговиот претходник Никола Саркози,како и британскиот премиер Дејвид Камерун.
Таму беше и еден од најистакнатите борци против апартхејдот Дезмон Туту.
Иако сакаше да дојде Далај Лама, не присуствуваше на комеморацијата во Јужна Африка зашто не доби виза, а израелскиот премиер Бењамин Нетанјаху реши да не дојде зашто осигурањето за тој пат премногу би го оптоварило државниот буџет.
Од Македонија на комеморацијата не присуствуваше државниот врв- ниту премиерот Груевски, ниту пак претседателот Иванов.
На стадионот беа личности од светската култура – Боно Вокс, Чарлиз Терон,Опра Винфри, Наоми Кембл и други.
Светските медиуми јавуваа дека на стадионот владее славеничка атмосфера слична повеќе на фудбалски напревар отколку на погреб.