Во експлозија на железничката станица во Волгоград, на југ на Русија погинаа најмалку 18 луѓе, а повредени се најмалку 40, меѓу кои е и дете, јавува Би-Би-Си.
-Денеска во 12.45 часот во Волгоград на железничката станица во активирање на неутврдена експлозивна направа дошло до силина експлозија, којашто доведе до човечки жртви. Се претпоставува дека експлозијата ја предизвикала терористка самоубиец, се наведува во соопштението на НАК што го пренесуваат руските медиуми.
Бројот на жртвите во руските медиуми е различен, во зависност од изворите- според одделот за односи со јавноста на МВР, во експлозијата во Волгоград има десет загинати и тројца ранети, а според Истражната комисија загинале најмалку 13 луѓе, додека локалните власти информираат за 18 загинати луѓе и 40 ранети, а Министерството за здравство првично соопштува за 15 мртви и 50 ранети.
Во Соопштението на НАК се додава дека повредените сѐ уште се доставуваат во болниците и нивниот број дополнително ќе биде прецизиран.
Ова не е прв терористички напад во Волгоград во последните месеци- се работи а речиси секојдневно насилство и бунтот на екстремните исламисти коишто прогласија т.н Кавкаски емират.
Нивниот лидер, чеченскиот екстремист Дуку Умаров, чиишто најблиски соработници беа ликвидирани изминативе месеци, во видео порака објавена во јули од терористите побара да употребат „максимална сила” за да го спречат Путин да ги одржи Олимписките игри.