Вооружени војници зазеле позиции околу Меѓународниот аеродром во Севастопол, на Крим, како што јавува Интерфакс станува сбор за руски војници со шлемови и заштитни панцири кои биле поддржувани од оклопни возила.
Агенцијата цитира воени извори кои наведуваат дека акцијата била преземена со цел да се спречело слетување „милитанти“ на Крим.
Според украинската агенција УНИАН шест камиони со војници пристигнале на аеродромот кој исто така го користи и Украинското воено воздухопловство.
До ова дојде неколку часа откако 50 вооружени и униформирани лица упаднале на аеродромот во главниот град на Крим Симферопол. Новиот украински министер за внатрешни работи Арсен Аваков ги осуди ваквите акции, оценувајќи ги за вооружена окупација.
На меѓународниот аеродром во Симферопољ сообраќајот во меѓувреме се одвива нормално, иако вооружени лица сѐ уште патролираат пред зградата.
Официјален претставник на аеродромот соопшти дека поголемиот дел од вооружените лица го напуштиле аеродромот.
„Тие мислеа дека тука слетал украински десантен авион, но кога видоа и се уверија дека нема нешто такво, се извинија и си заминаа“, изјави аеродромскиот претставник за руските медиуми. Пред аеродромот се наоѓаат и проруски цивили кои тврдат дека дошле за да спречат пристигнување на „фашисти или радикали од западна Украина“.