Вработените во Фондот за здравство собираат потписи за враќање на директорката Маја Парнаџиева Змејкова, дознава НОВА од извори во Фондот. Иницијативата ја започнал еден од вработените, чие име е познато на редакацијата.
Петицијата со потписите од вработените ќе биде испаратена во во Владата на РМ. НОВА дојде до електронската порака која била испратена до сите вработени во која се бара враќање на Парнаџиева Змејкова која си даде оставка на пред три дена.
Во Фондот за здравство ја потврдија информацијата на НОВА дека се собираат потписи за враќање на Парнаџиева Змејкова. Од таму потенцираат дека одзивот кај вработените е масовен, вработените барале Владата да ја врати екс-директорката Парнаџиева Змејкова.
„Да, точно е дека се собираат потписи за враќање на екс-директорката Парнаџиева Змејкова, а одзивот е масовен“, велат во Фондот за здравство.
Вчера Владата донесе одлука за в.д директор на Фондот за здравствено да биде именувана Кристина Христова. Таа на оваа позиција доаѓа од позицијата директор на Секторот за фармација во Фондот.
Одлуката за именување на Христова доаѓа откога се констатирало дека Сања Минкова, која на претходната владина седница беше именувана за вршител на должноста на оваа позиција, не исполнува еден од посебните услови за директор, и тоа во поглед на периодот на поседувањето на специфично работно искуство од шест години.