Published: Thursday, September 8, 2016 12:00
Во Собранието на Република Македонија денеска напладне се врачува државната награда „8 Септември“ која се доделува во областа на спортот, односно за остварувања на спортисти, тренери и спортски работници.
Награда за животно дело ќе добие Андон Дончевски, а награди за остварување во областа на спортот во 2016 година им се доделуваат на Агим Ејупи, Сашко Поповски, Добре Маринков и Фоти Ѓатовски.
По повод Денот на независноста претходно, во 11 часот, пред споменикот Паднати херои за Македонија во паркот Жена-борец, цвеќе ќе положи делегација на Владата на РМ предводена од вицепремиерот Владимир Пешевски, и делегација на Собранието на РМ составена од пратениците Љупчо Димовски, Светлана Јакимовска, Лидија Димова и Роза Топузова-Каревска.